Lythria sanguinaria

Bolboreta dunha envergadura de entre 18-26 mm. Especie moi variable da que se describiron varias formas en relación co tamaño e o debuxo. 

Cor de fondo ocre amarelado. Tres bandas transversais de cor rosa que cruzan as ás anteriores. Sen preferencias de hábitat ou altitude, alcanzando os 2200 metros en Pireneos.

A seguinte fotografía corresponde a un exemplar macho: 

A seguinte fotografía corresponde a un exemplar fémia:

Voa durante o día pero tamén acode á luz. Aparece en dúas xeracións, marzo-maio e xullo-agosto. 

Oruga sobre Rubia peregrina e Rumex. Amplamente distribuída na metade norte da Península Ibérica.

Lugar de observación: 

• A Trigeira. Zobra. Lalín.
• O Santón. Goiás. Lalín.