Angelica sylvestris

Bienar ou perenne, erecta, rexa, que acada os 2 metros, con talos pouco ramificados, estriados. As follas son de cor verde mate, glabras ou pelosas polo envés.

As basais bi ou tripinnatisectas, con limbos de ata 60 cm., pecíolos canaliculados e lóbulos de 2-13 cm., oblongos ou elípticos, de beiras aserradas irregularmente, as superiores a miúdo reducidas a follas simples. 

As flores, de 2 mm., con pétalos brancos ou rosáceos, aparecen en umbelas grandes, de 15-75 radios, pubescentes, con 0-2 brácteas lineares e moitas bractéolas, tan longas coma os pedicelos florais.

Froito de 3-7 x 2-6 mm., coas ás anchas moi membranosas e algo onduladas.

Florece entre xuño e setembro en herbais e preto de lugares húmidos.

Lugar de observación: Beira do río Deza. Ponte Sulago. Silleda.