Cardamine pratensis

Planta perenne de ata 80 cm., cun só talo erecto, glabro, que xorde de rizoma curto con bulbilos pero sen estolóns. As follas inferiores, de 3-30 cm., dispostas en mouta, levan 1-7 pares de foliolos máis ou menos orbiculares, con folíolo terminal máis ancho (ata 3,5 cm.).

As follas caulinas, de 2-17 cm., en número de 3-8, pinnatisectas, levan os folíolos lanceolados ou lineares, de base cuneada, o terminal ata (normalmente) 8 mm. de ancho.

As flores, de sépalos de 3-6 mm. e pétalos de 7-17 mm. poden variar na coloración entre branco e violáceo, e van dispostos en acios mestos. O froito é silicua de 14-40 x 1-2 mm., con bico de 1-2 mm.

Florece entre marzo e xullo, en lameiros e prados húmidos de todo o país.

Lugar de observación: Fraga de Quiroga. Catasós. Lalín.