Cerastium fontanum

Planta perenne que aparenta anual, con talos de ata 30 cm., que levan moitos pelos non glandulares, ás veces con outros glandulares. As follas, de 15-30 mm., lanceoladas a anchamente ovais, levan pelos non glandulares.

Inflorescencias mestas, de 7-20 (36) flores en diferentes estados de madurez. As flores, pentámeras, levan sépalos de 5-7 mm. de marxe escariosa, glabros no ápice e pelosos no dorso. Pétalos 1,3 veces da lonxitude do cálice, máis ou menos bífidos, glabros ou con poucos cilios na base.

10 estames con anteras de 0,4-0,6 mm. Froito en cápsula de ata 12 mm.

Florece entre febreiro e outubro, en lugares abertos pero húmidos ou preto de fontes ou regatos.

Lugar de observación: Lamas. Noceda. Lalín.