Circaea lutetiana

Planta con rizoma estolonífero do que xorden talos aéreos simples de ata 60 cm. de altura. As follas, de 3-12 x 1,5-7 cm., opostas, son lanceoladas, de base redondeada ou algo cordada. As flores van en acios terminais frouxos, e levan 2 sépalos de 2,5-4 mm. formando tubo, 2 pétalos brancos ou rosáceos de 2-4 x 2-2,5 mm. bilobados e 2 anteras.

O ovario, ínfero, da lugar a un froito de 2,5-3,5 mm., ovoideo, recuberto de pelos ganchudos.

Florece entre xuño e agosto en lugares húmidos, sombrizos, a miúdo nitroxenados, como ameneirais.

Lugar de observación: Ribeira do río Ulla. Cornella. Berredo. Agolada.