Erodium cicutarium

Anual, normalmente de ata 60 (100) cm. As follas (de ata 15 cm.) son pinnadas, con folíolos pinnatífidos ou pinnados todos semellantes. 

As flores levan sépalos de 5-7 mm., e pétalos de 4-11 mm., rosáceos, os dous superiores máis anchos e cunha mancha escura na base, e van dispostas en umbela de 3-8 flores, con brácteas acastañadas.

Os froitos son mericarpos de 5-7 mm., con bico de 10-40 mm. Florece entre marzo e agosto nas beiras dos camiños e lugares secos.

Lugar de observación: Alperíz. Parada. Lalín.