Galeopsis tetrahit

Planta que acada os 50 cm., con talos recubertos de pelos ríxidos e engrosados nos nós. As follas son lanceoladas, acuminadas, de beiras dentadas, pubescentes. 

As flores, dispostas en verticilos globosos, levan cálice de 12-14 mm., híspido, con 5 dentes máis longos có tubo, e corola rosácea de 15-25 mm., ás veces con manchas amarelas ou violáceas.

Florece entre xuño e setembro en lugares altos e nitroxenados de Galiza.

Lugar de observación: A Penela. Pedroso. Rodeiro.