Galinsoga parviflora

Anual, con talos ramosos, glabros inferiormente, que acadan os 80 cm. As follas, de disposición oposta, ata 5 (9) cm., son ovadas, acuminadas, de beiras serradas, con pecíolo menor có limbo. Os capítulos, que van sobre pedúnculos con pelos patentes de menos de 0,5 mm. e algúns glandulosos, curtos, levan brácteas involucrais de 4 mm., ovadas, e escamas do receptáculo trilobuladas.

As lígulas, xeralmente 5, son brancas de 1 mm., sendo os flósculos amarelos. Aquenios de 1-1,5 mm., con papo de escamas non arestadas.

Florece entre maio e outubro, como herba ruín en lugares de cultivo ou algo nitrófilos. Procede de Sudamérica, aínda que aparece bastante espallada por Europa.

Lugar de observación: Lalín.