Melilotus albus

Anual ou bienal, erecta, con talos moi ramificados de ata 200 cm. Follas con folíolos de 10-50 mm., elípticos a obovados, máis alongados nas superiores, dentados, o do medio peciolulado, con estípulas lineares ou as das follas inferiores con 1-2 dentiños preto da base.

Inflorescencias en acios laxos, de 40-60 flores, con pedúnculos de 2-4 cm. na floración que chegan ata 9 na frutificación. Flores con cálice campanulado, de 1,3-2 mm., e corola branca de 2,5-6 mm. co estandarte maior có resto. Legumes de 3-5 mm., ovoideos, case negros na madurez, con 1-2 sementes.

Florece entre abril e agosto en beiras de estradas e camiños, como ruderal.

Lugar de observación: Botos. Lalín.