Satureja vulgaris

Perenne, rizomatosa, máis ou menos pelosa, herbácea, de ata 80 cm. con talo pouco ramallento. As follas son ovadas, obtusas ou case agudas, de 20-65 x 10-30 mm., con peciolos curtos. As flores aparecen en verticilos mestos semiesféricos, separados entre si, de moitas flores.

Cálice de 7-9,5 mm., co labio inferior de 2,5-4 mm., máis longo co superior. Corola de 12-22 mm., rosácea. Brácteas lineares, case do longo do cálice, plumosas. Estames, 4, diverxentes, os externos maiores.

Florece entre xuño e setembro en sotobosques e piñeirais de toda Galiza.

Lugar de observación: Lalín.