Solanum chenopodioides

Herbácea anual e perenne, de ata 70 cm., densamente pubescente, con follas de 2,5-7 x 2-4,5 cm., ovadas e lanceoladas, enteiras ou de beiras sinuado-dentadas. Flores en número de 5-10 despostas en cimas umbeliformes, con pedúnculo deflexo no froito.

Cálice de 1-1,5 mm., algo acrescente, de lóbulos ovados. Corola de 8-10 mm. de diámetro, branca. Anteras amarelas, de 2-2,5 mm.

Froito en baia de 6-80 mm. de diámetro, ovoideo, púrpura (ás veces negro). É planta tóxica, en especial os seus froitos.

Florece entre maio e outubro en lugares removidos e beiras de camiños en toda Galiza.

Lugar de observación: Lalín.