Tanacetum parthenium

Vivaz, con talo estriado de ata 100 cm., ramoso no cuarto superior. Follas todas pecioladas, pinnatisectas, as inferiores de perfil ovado con 3-7 segmentos elípticos. Capítulos en número de 5-20, dispostos en corimbo mesto, composto.

Invólucro de 5-8 mm. de diámetro, e lígulas brancas de 2,5-7 mm. Flósculos amarelos. Aquenios de 1,2-1,5 mm., con 5-8 costelas. Coroa (papo) de 0,2 mm.

Florece entre maio e agosto. Cultivada desde hai tempo como ornamental, aparece subespontánea en beiras de moitas poboacións. Procede da Península Balcánica.

Lugar de observación: Pedroso.