Taraxacum officinale

Constitúe en realidade un grupo de especies con follas basais de 5-40 cm., enteiras e laciniadas, grosas e a miúdo anchas, de lóbulos triangulares dirixidos cara atrás, con pedicelos alados. Escapos rexos, de ata 40 cm., pelosos e ocos (conteñen látex branco).

Capítulos de 25-75 mm. de diámetro, con invólucro de 12-25 x 15-25 mm., con brácteas máis externas de ata 17 mm., de cor variable, a miúdo glauca. Lígulas amarelas, de dobre longo do invólucro. Aquenios acastañados, tuberculados ou con aguillóns, de 2,5-3,5 mm., levando ademais bico de 7-15 mm.

Florece entre marzo e decembro. As follas pódense comer como verdura ou ensalada, ademáis de ser estimadas como diuréticas.

Lugar de observación: Taboada. Silleda.