Veronica serpyllifolia

Vivaz, con talos de ata 30 cm., ascendentes ou deitados, con pelosidade adpresa, a miúdo arraigantes na parte deitada. Follas suborbiculares a ovadas, enteiras, crenadas ou dentadas, sésiles ou apenas pecioladas, de ata 20 x 13 mm. Flores dispostas en acio terminal con 8-25 (-40) flores, raramente acompañados ademáis de dous acios axilares, non ou apenas glandulosa, con pedicelos de 3-10 mm. e brácteas de 4-6 mm.

Cálice de sépalos oblongos de 2,5-4 mm. Corola de 5-12 mm. de diámetro, azul a abrancazada, con veas ben marcadas, máis claras ou escuras. Cápsula de 2,5-3,5 mm. máis ancha que longa, obcordada coa máxima anchura na metade, recuberta de indumento glanduloso polo menos lateralmente.

Florece entre maio e agosto na metade norte de Galiza.

Lugar de observación: Aldea de Baixo. Encoro de Portodemouros. Agolada.