Lampides boeticus

Bolboreta moi difundida e abundante en lameiros, áreas de vexetación baixa, terreos áridos, leiras e mesmo nos xardíns urbanos das catro provincias galegas. Voa dende maio a novembro en dúas ou máis xeracións.

A eiruga, de cor vermella pálida, come as flores e sementes das barxas de Sarothammus scoparius, Ulex europaeus e outras papilonáceas dos xéneros Lotus, Medicago, Pisum e Vicia. Practica o canibalismo e asóciase ás veces con certas especies de formigas.

Crisalida envurullándose nunha folla da súa planta nutricia e, ás veces, no solo a carón da mesma.

O macho ten o anverso alar azul violáceo, coas beiras escuras. A femia é pardacenta, agás as zonas basal e discal, que son azul violáceas.

Trátase dunha especie de hábitos migratorios.

Lugar de observación: Pena de Francia. Dozón.