Helianthemum nummularium

Perenne, sufruticosa ata 40 cm., ás veces cespitosa. As follas, de 10-25 x 4-12 mm., son ovado-lanceoladas a linear-lanceoladas, obtusas, rara vez con beiras revolutas, verdes pola cara e con nervios laterais ben marcados polo envés.

Inflorescencia de ata 15 flores, con sépalos internos (os maiores) de 6-9 mm. na floración, e os externos ata a metade de tamaño. Pétalos de 8-12 mm., de cor amarela dourada, manchados de laranxa na base. Froito en cápsula de 6-8 mm., máis curta có cálice.

Florece entre abril e xullo en monte baixo e chans secos de toda Galiza.

Lugar de observación: Sobreirais do Arnego. Carmoega. Agolada.