Scabiosa atropurpurea

Bienal, con talo que pode acadar 100 cm., ramallento. Follas de 15-200 x 3-70 mm. moi variables, sendo as basais crenadas a pinnatífidas, e as caulinas pinnatífidas ou pinnatipartidas. 

Involucelo con 8 nervios e cálice con 5 arestas de 3,5-9 mm.

Corola purpúrea, ás veces rosácea ou branca, de 12-18 mm. as marxinais, sendo algo menores as centrais. Capítulos de 20-30 mm. de diámetro, oblongos na frutificación.

Florece entre maio e agosto en lugares secos, norios e bordos de camiños.

Lugar de observación: Dozón.