Maniola jurtina

É unha das bolboretas máis abundantes en Galiza. Aínda que se pode atopar na maioría dos biotopos, prefire áreas baixas con moita vexetación arbustiva e arbórea, pousando na sombra, ben sexa en lugares secos ou húmidos nos meses de xuño, xullo, agosto ou setembro nunha longa xeración.

^{Exemplar femia}

Eiruga de cor verdosa que se nutre de Poa annua, Lolium perenne e outras gramíneas.

A femia pon os ovos dun en un na súa planta nutricia. A crisálida, cunhas bandas alternas escuras e claras moi típicas, vaise pendurar polo cremáster dun talo da herba.

Macho pardacento escuro con androconia de cor negra. Femia con amplas áreas leonadas.

^{Exemplar macho}

Lugar de observación: Catasós. Lalín.