Digitaria sanguinalis

Planta anual, con talos de ata 100 cm., ascendentes ou arraigantes nos nós inferiores. Follas curtas, pelosas e escábridas nas marxes, de 3-8 mm. de ancho, con lígula obtusa de 1-1,5 mm. Inflorescencia de panícula de 3-15 espigas de 2-15 cm. dispostas saíndo case do mesmo punto, ou cun pequeno eixo central.

Espículas de 2-3,5 mm. Gluma inferior ausente ou moi pequena (0,1-0,4 mm.), a superior de 1-2 mm., con 1-3 nervios e beiras ciliadas. Lema da flor superior de 2-3 mm., sen nervios. Anteras de 0,5-1 mm.

Florece entre xullo e outubro, en cultivos (como herba ruín) ou en terras soltas. Esta planta é de procedencia tropical.

Lugar de observación: Abades. Silleda.