Allium ursinum

Bulbo oblongo, de 2,5-6 x 0,5-1 cm., coa túnica externa papirácea, con fibras paralelas (nunca reticuladas). Escapo de 20-40 cm., anguloso, con 2 follas de 20-36 cm. x 2-5 cm. que envaíñan a base e son pecioladas, elípticas, planas, de 14-25 x 3-7 cm.

Inflorescencia subesférica, mesta, de 3-5 cm. de diámetro, con espata de 2 valvas persistentes ou caducas, máis curtas cá inflorescencia. Pedicelos de 10-25 mm., máis ou menos iguais, máis longos có perianto.

Flores con tépalos brancos de 9-12 x 2-3 mm. Estames inclusos, con filamentos simples e anteras amarelas. Ovario ovoide, trilobado, que da froito en cápsula de 3-6 mm.

Florece entre maio e agosto, en lugares sombrizos ou húmidos, como carballeiras húmidas. A miúdo trabucado con Allium victorialis.

Lugar de observación: A Cornella. Berredo. Agolada.